Турнирга әзерләнү

25 март көнне икенде намазыннан соң Чаллы мөхтәсибәтендә Туган телләр һәм халыклар бердәмлеге елы кысаларында Татарстан мөселманнары Диния нәзарәте кубогына мөселманнарның татар милли көрәше һәм кул көрәше буенча берләштерелгән XII Рәсәйкүләм турнирына әзерлек буенча җыелыш булып үтте. Аның дәвамында турнирда башкарылырга тиешле эшләр өчен җаваплы кешеләр һәм кагыйдаләр билгеләнде. Алар арасында катнашучылар һәм кунаклар өчен мөһим булганнары: “Витязь” спорт комплексына битлек һәм бахилла яисә алмаш аяк киеме кигән, тән температурасы нормадан артмаган кешеләр генә кертеләчәк.