Корбан бәйрәменә әзерләнү
21 июнь көнне Чаллы шәһәренең Сидоровка бистәсендә урнашкан үзәкләштерелгән корбан чалу мәйданчыгында Корбан бәйрәменә әзерлек буенча беренче киңәшмә булып узды. Киңәшмәдә Башкарма комитеты, Чаллы мөхтәсибәте, Комсомол районы администрациясе, Эчке эшләр идарәсе, шәһәр ветеринария хезмәте, янгын сүндерү, шәһәрне яктырту, коммуналь хезмәтләр, шәһәрне яшелләндерү, шәһәр транспорты предприятиесе вәкилләре катнашты. Аның барышында Корбан бәйрәменә карата үтәлергә тиешле вазыйфалар билгеләнде.
