Әлфәс хәзрәткә Президентның Рәхмәт хаты тапшырылды

Рухи-әхлакый традицияләрне үстерүгә, тынычлыкны һәм конфессияара татулыкны ныгытуга зур өлеш кертүе  өчен Чаллы шәһәре имам-мөхтәсибе Әлфәс хәзрәт Гайфуллин Татарстан Республикасы Президентының Рәхмәт хаты белән бүләкләнде. Хатны 25 августта “Нур-Ихлас” мәчетендә җомга намазында Чаллы шәһәренең Үзәк районы Башкарма комитеты җитәкчесе Галимов Искәндәр Галим улы тапшырды. Ул Әлфәс хәзрәткә киләчәктә дә актив эшчәнлек, саулык-сәламәтлек теләде.