“ХӘЗИНӘ”-дә “Тамчы шоу”
24-не ноябрь көнне Чаллы мөхтәсибәтенең “Хәзинә” мөселман балалар клубында “Тамчы шоу” булып узды. Бу чарада “Хәзинә” һәм “Мирас” командалары катнашты. Балалар Ислам диненә һәм Мөхәммәд пәйгамбәргә бәйле булган сорауларга җавап бирделәр. Уен актив, кызыклы һәм мавыктыргыч рәвештә алып барылды. Нәтиҗәләр буенча “Хәзинә” командасы җиңеп чыкты. Чарадан соң катнашучыларга, җанатарларга бүләкләр тапшырылды һәм тәмле чәй эчелде.
Чарада Чаллы шәһәре имам-мөхтәсибе Әлфәс хәзрәт Гайфуллин да катнашты.
