Дельфинарийда шоу
2-нче, 3-нче һәм 6-нчы ноябрь көннәрне ЗЯБ поселогында урнашкан “Әбүзәр” мәчете имам-хатыйбы Али хәзрәт Багаутдинов ярдәме белән куп балалы, мохтаҗ һәм гади мөселман гаиләләре өчен Чаллы дельфинариенда шоу оештырылды. Барлыгы 1050 кеше 350 сум түләп дельфиннарның төрле күнегүләрдән торган чыгышын карый алды. Дельфинарийга керүнең тулы бәясе исә олыларга 800, ә балалар өчен 600 сум.
Шушы чарада катнашкан кешеләр, үз теләкләре буенча, бирелгән ссылка аша узып дельфинарий сайтында бәяләмә (отзыв) язып чыга алалар.
