Якшәмбе мәктәбе укучылары арасында азан бәйгесе үтте
Чаллы шәһәренең “Нур-Ихлас” мәчетендә якшәмбе дәресләренә йөрүче балалар арасында 19 февральдә азан әйтү бәйгесе узды. Беренче урынны 8 яшьлек Самат Галимуллин яулады. Аңа Коръән бүләк ителде. Икенче һәм өченче урыннарга бертуганнар – 9 яшьлек Данил һәм 6 яшьлек Данис Киселевлар лаек булдылар. Аларга намазлык һәм дини эчтәлектә бизәлгән кружка тапшырылды. Калган катнашучыларга исле майлар, ручкалар, китапчыклар таратылды.