X “Гыйлем нуры” бәйгесе үтте

Зөлкагъдә аеның 8нче көнендә (28нче майда), Лениногорск шәһәре “Ихлас” мәчетендә X “Гыйлем нуры” бәйгесе оештырылды. Конкурсның төп максаты имам Әбу Хәнифә мәзһәбен һәм Матуриди гакыйдәсен ныгыту, гыйлем алуга мәхәббәт тәрбияләү, мөселманнар арасында дуслыкны арттыру, тәҗрибә алышудан гыйбарәт булды. Бәйге шулай ук милли телебезне вә гореф-гадәтләребезне торгызу, тарихыбызга кызыксыну уяту нияте белән дә үткәрелде.

Әлеге бәйгедә Чаллы шәһәренең “Ихлас” мәчете командасы да актив катнашты.