Хаҗиларны юлга озату

4 август көнне Яр Чаллы мөхтәсибәте “ДУМ РТ Хадж” вәкиллеге аша “Стандарт-тур” белән  хаҗга баручыларны изге сәфәргә озату чарасы үтте.  Алар “Ихлас” мәчетенә ястү намазына җыелдылар. Аннан  соң олуг хаҗга ниятләүчеләр белән саубуллашу булды һәм 49 кешедән торган төркем автобуста Казан аэропортына юл тотты. Хаҗиларның җитәкчесе булып “Ихлас” мәчете имам-хатыйбы ярдәмчесе Илгиз хәзрәт Сунгатуллин китте.

Аллаһ тәгалә кылган хаҗларын кабул кылсын иде. Аннан соң гомрә хаҗларга һәм киләсе олуг хаҗга әзерлек башланачак.”