Балалар Коръән ятлый
“Әбүзәр” мәчетендә шушы көннәрдә 7 яшьтән алып 14 яшькә кадәрге кыз балалар өчен Коръән ятлау лагеры алып барыла. Укулар дүшәмбе һәм җомга көннәрендә сәгать дүрттән алып алтыга кадәр май ахырына хәтле сигез ай дәвам итәчәк. Иганәчеләр тарафыннан чәй эчү һәм өчпочмаклар ашау каралган. Биредә барлыгы 40-ка якын бала укый.
Лагерь инде икенче ел дәвамыда бара. 2016 елда укучылар саны шулай ук 40 баладан торган һәм уку елы дәвамында барлыгы 2 джүз (40 бит) Коръән ятланган.
