“Корбан 2017” Хәйрия проекты тормышка ашты

Чаллы мөхтәсибәте каршындагы “Ихсан” Хәйрия фонды Корбан гаете чорында 343 кг. корбан ите җыйган иде. Ул шушы көннәрдә мохтаҗларга, авыруларга тулысынча таратып бетерелде. Һәммәсе 125 пакет әзерләнде. Аларның һәрберсенә 2,3 – 2,5 кг. ит салынды. 5-6 кешелек гаиләләргә өчәр пакет бирелде. Хәйрия пакетларын таратуны  “Ихлас”, “Сөембикә”, Әбүзәр” һәм “ГЭС” мәчете әһелләре  башкардылар. Шулай ук мөхтәсибәт каршындагы “Хәзинә” балалар клубына 30 кг. корбан ите тапшырылды.